هيل دوسكن (اشهر مدرب لسيدونا حاليا ومتدرب لفنسن الاول ) طور سيدونا بشكل كبييييير جدا بحيث انه خلي تسهيل التحرر يبقي ب5 اشكال
ملاحظة (قبل ما تعمل اي طريقة منهم لازم تحس بالشعور في الاول )
ملاحظة تانية (مش شرط تحس بشعور كبير وانت بتتحرر من معتقد )
ملاحظة (قبل ما تعمل اي طريقة منهم لازم تحس بالشعور في الاول )
ملاحظة تانية (مش شرط تحس بشعور كبير وانت بتتحرر من معتقد )
1- تختار انك تتحرر
الطريقة دي هي الطريقة الاكثر شيوعا في سيدونا وهي بتعتمد علي التحرر ب3 اسئلة بس
يا تري اتا ممكن اتحرر من الشعور ده؟
يا تري اتا متأكد اني ممكن اتحرر من الشعور ده؟
امتي ؟ وافضل اجابة اكيد دلوقتي
ودي فعالة جدا وسريعه جدا وبتناسب الناس اللي مش بترحب بالشعور كويس وحتي لو حسيت في سؤال انك عاوز تقول لا قوله ببساطة وحس بالمقاومة اللي السبب في انك تقول لا واتحرر منها بنفس ال3 اسئلة وكمل تحررك عادي من الشعور الاصلي او المعتقد الاول
2- الترحيب
تعتبر الطريقة دي الاسهل علي الاطلاق لانها مش محتاجة جهد وكمان بتتعمل في اي وقت بشكل داخلي زي مثلا يحصلك موقف معين يسبب توتر ليك بتبقي عاوز تخلص من التوتر ده اكيد
(اهلا بيك - بسمحلك - حاسس بيك - ملاحظك )
الكلمات دي ببساطة بتلخص الطريقة دي وهي انك بترحب بالشعور ده والترحيب هنا ببساطة يعني القبول انك تقبل وجوده زي ضيف عزيز عليك جالك فجأة حتي لو انت مش جاهز مش هتتضايق منه بالعكس هترحب بيه وتدخله بيتك وانت مش مضايق خالص زي كده الشعور رحب بيه وحس بيه وسيبه بعد كده
الكلمات اللي فوق دي برضو ممكن تساعدك في الطريقة دي زي مثلا انك تقول للشعور اهلا بيك وانت بترحب او تقوله انا بسمحلك تكون مودود وتعبر عن نفسك او تقول للشعور حاسس بيك او كفاية تعترف ليه بملاحظتك ليه
الطريقة دي علي الرغم من سهولتها الشديدة بس مشكلتها محتاجه انك ترحب بالشعور بصدق مش انك تجبر نفسك علي الشعور بيه علشان تكون مقاومة تجاه الترحيب انت ببساطة اعتبره ضيف عندك عزيز وحابب انك تكرمه
بس علي العموم الطريقة دي دايما فعالة بأذن الرحمن وسريعه وللمواقف اللي بيكون التحرر فيها صعب
3- diving in (ترجمتها الحرفية الغوص في الشعور بس الاقرب للعربية التعمق في الشعور )
يمكن من المفاهيم الغلط اللي انتشرت انك لما تتعمق بالشعور او تحس بيه انك هتبقي عالق فيه ومش هتقدر تتخلص منه للابد وهيكون ملازمك طول فترة حياتك ولكن المفهوم ده غلط جدا في الطريقة دي انت لما بتتعمق بنفسك ووعيك داخل الشعور ده هو بأختصار بيتلاشي تدريجا وبيختفي وكأنه (بيذوب)
العائق بينك وبين سلامك النفسي جواك او راحتك وهدوئك الداخلي بيبقي الشعور ده بيبقي زي حاجز عامل block ليك ومانعك توصل للمنطقة دي من الراحة فأنت لما بتتعمق فيه وبتحس بالشعور كله وتدخل جواه لاعمق نقطة هو بيبدأ يختفي تدريجيا من جواك لغاية ما يتلاشي تماما
عموما الطريقة دي شبه الترحيب بشكل كبير جدا بس اعمق منها
العائق بينك وبين سلامك النفسي جواك او راحتك وهدوئك الداخلي بيبقي الشعور ده بيبقي زي حاجز عامل block ليك ومانعك توصل للمنطقة دي من الراحة فأنت لما بتتعمق فيه وبتحس بالشعور كله وتدخل جواه لاعمق نقطة هو بيبدأ يختفي تدريجيا من جواك لغاية ما يتلاشي تماما
عموما الطريقة دي شبه الترحيب بشكل كبير جدا بس اعمق منها
4- التحرر الكلي
كل حاجه في الدنيا عبارة عن شئ ونقيضة والوعي المنتشر عندنا انهم منفصلين ولكن علي العكس هما متصلين ببعض اتصال وثيق زي واحد مثلا بيحب شخص وبيكره شخص او نفسه يعمل حاجه وفي نفس الوقت مش نفسه يعملها الاشياء دي كلها متصلة ببعضها زي المثال اللي هيل دوسكن قاله (العملة المعدنية ) الصورة والصورة التانية هما الاتنين عكس بعض بس لا يمكن ينفصلوا
في الطريقة دي بنعتمد اننا نوصل لمرحلة التعادل بين الشعورين بحيث ان الشعورين مفيش شعور يكون الغالب علي التاني او يبقي التنافر بينهم قوي وكل اللي بيحصل في الطريقة دي انك بتتحرر من الوجه الاول للشعور وبعد ما تتحرر منه بتتحرر من الوجه التاني للشعور (سواء بال3 اسئلة او الترحيب او التعمق )
5- الترحيب الثلاثي
الطريقة دي ابتكرها هيل دوسكن بنفسه وهي بأختصار شديد انت لما تيجي ترحب بالشعور رحب بيه 3 مرات وكل مرة رحب بيه وبمتعلقاته وكل الاشياء الجانبية المصاحبة بيه وهي اصلا عبارة عن طريقة مطورة للترحيب العادي بس بشكل يسمحلك انك تتحرر بشكل اعمق ومن المشكلة كلها بمتعلقاتها
وفيه طريقة تانية ذكرها هيل دوسكن وهي لما تيجي تتحرر كان بيقول (so what ?)(ايه المشكلة بالعربي )
في الحالة دي انت بتبقي عارف انك حاجه والشعور حاجه تانية خالص وانك انت مش الشعور وبتحس بالانفصال عنه
إرسال تعليق Blogger Facebook