اللى يقولك مدينة زويل أخدت مكان جامعة النيل وطرتهم بره واعتدت على حقهم قوله كذب .
أرض مدينة زويل عباره عن 300 فدان وقف باسم دكتور زويل ليقيم عليه مشروع مصر القومى منذ عام 1999
يعنى فى زمن حكومة عاطف عبيد قبيل ان يتولى احمد نظيف رئاسة الوزراءاساسا .
يعنى نقدر كلنا نجزم القول بان حكومة احمد نظيف سرقت الارض بتاعة الدوله واقامت عليها جامعه خاصه برضو بفلوس الدوله عشان يتعلم فيها علة القوم ويرمو لباقى افراد الشعب فتات الموائد على انه منحه بيتفضلو بيها علينا دى الحقيقه لما تكون مصروفات جامعة النيل بتتراوح من 57 الف جنيه الى 62 الف جنيه فى السنه محدش بقى يقنعنى انها جامعه اهليه وانها بتخدمم الشعب والبحث العلمى عشان انا ممكن اقنعه ان الفيل بيطير اسرع .
لما ييجى حد يقولك لا تتعدو على أحكام القضاء هاقوله احنا لم نتعدى على احكام القضاء القضاء جامعة النيل هى التى تعتبرنا طرف فى القضيه ولكن هذه ليست حقيقه هذه قضيه ترفعها جامعة النيل على الحكومه احنا ملناش دخل فيها اصلا عشان نعترض .
كل وجهة نظرنا اننا شايفين ان دى ارض الدوله والمبانى اللى عليها بفلوس الدوله يبقى هى ملك الشعب واحنا الشعب لينا الحق اننا نعترض على اى سلوك خاطئ على اى سرقه وعلى اى نهب لحقوقنا مش هنسكت ومش هنسلم بسهوله بتطلبو طرد مدينة زويل من ارضها يا لبجاحتكم
بتدافعو عن صاحب الجامعه اللى هو احمد نظيف اللى مسجون دلوقتى وبيتحاسب فى قضايا سرقة المال العام يا لبجاحتكم .
بتطالبو مدينة زويل تتنازل عن احسن معامل فى العالم اللى هى بنتها بفلوس الشعب فى حين انكو تقدرو تاخدو ارض تانيه فى اى مكان تبنو عليها جامعتكو لانكو اصحاب اموال وانتو المعتدين دى مش ارضكو اصلا يا لبجاحتكم .
باختصار لن نسمح لشلة الفساد التى خربت التعليم العالى الحكومى ... ان تعتدى على اخر امل لينا فى تعليم صح ده بالنيابه ولاد الفقرا يعنى .
بقلم: أ/ خديجه يوسف
إرسال تعليق Blogger Facebook